Vijayadasami

                     വിജയമേകാന്‍ വിജയ ദസമി

                                            

                                                ഐശ്വര്യവും സമ്രിദ്ധിയും നന്മയുമായി വീണ്ടും നവരാത്രി എത്തുന്നു. ഈരേഴു പതിനാല് ലോകങ്ങളും വിജയിച്ചു സര്‍വലോക ചക്ര വര്‍തിയായി വാഴണം എന്ന മഹിഷാ സുരന്റെ സ്വപ്നം സകലര്‍ക്കും ദുരിതമായി.അഹന്തയുടെ പ്രതിരൂപമായ മഹിഷാസുരന്‍ എല്ലാ ധാര്‍മിക മൂല്യങ്ങളെയും നശിപ്പിച്ചു.സജ്ജനങ്ങളെ ദ്രോഹിച്ചു.മഹിഷസുരന്റെ ദ്രോഹം  സഹിക്കാനാകാതെ ദേവന്മാര്‍ ആധിപര സക്തിയെ അഭയം പ്രാപിച്ചു.സര്‍വ ലോക നന്മക്കായി ദേവി മഹിഷസുരനുമായി യുദ്ധം ചെയ്തു.യുദ്ധത്തില്‍ ദേവി മഹിഷാസുരനെ വധിച്ചു വിജയം കൈവരിച്ചതിന്റെ സ്മരണയാണ്‌ നവരാത്രി ആഘോഷം. ദുര്‍ഗാദേവി ദേവന്മാരുടെ മുന്നില്‍ പ്രത്യക്ഷമായ ദിവസമാണ് ദുര്ഗാഷ്ടമി.മഹിഷാസുരനെ വധിച്ചു ഉമാദേവി ലോകത്തിനു സമാധാനം നല്‍കിയ ദിവസം വിജയ ദാസമിയയും ആഘോഷിക്കുന്നു.

                               കന്നിമാസത്തിലെ കറുത്ത വാവ് കഴിഞ്ഞുള്ള ഒന്‍പതു ദിവസമാണ് നവരാത്രിക്കാലം.പത്താം ദിവസം വിജയ ദസമി.ഇജ്ഹസക്തിയായ ദുര്‍ഗാദേവിയെയും ജ്ഞാന സക്തിയായ സരസ്വതി ദേവിയും ക്രിയ സക്തിയായ ലക്ഷ്മി ദേവിയും ഈ സമയത്ത് മൂന്നു ദിവസം വീതം പ്രാര്ധിക്കണം. ആദ്യത്തെ മൂന്നു ദിവസം ദുര്‍ഗാ ദേവിക്കും അടുത്ത മൂന്നു ദിവസം മഹാ ലക്ഷ്മിക്കും ബാക്കി മൂന്നു ദിവസം സരസ്വതി ദേവിക്കും പ്രധാനമാണ്. സ്വന്തം അമ്മയായി ഈശ്വരനെ സംഗല്പ്പിക്കുകയാണ്  ദേവി ഉപാസനയുടെ ലക്‌ഷ്യം. 

                                               സരസ്വതി, ലക്ഷ്മി, ദുര്‍ഗാ എല്ലാം ഒരേ ചൈതന്യത്തിന്റെ വ്യത്യസ്ത ഭാവങ്ങള്‍ മാത്രമാണ്. അതുകൊണ്ട് ഒരേ രീതിയില്‍ പൂജിച്ചാലും പൂര്‍ണ ഫലം  ലഭിക്കും.പക്ഷെ, വ്യത്യസ്ത ലക്ഷ്യങ്ങള്‍ മനസ്സില്‍ കാണുന്ന നമുക്ക് വേഗം ഫലം ലഭിക്കാന്‍ അതതു ഭാവങ്ങള്‍ തന്നെ ആവശ്യമാണ്. വിദ്യ വിജയത്തിന് സരസ്വതി മന്ത്രം, ദുഖം അകറ്റാന്‍ ദുര്‍ഗാ മന്ത്രം,സത്രു ദോഷ സാന്തിക്ക് കാളീ മന്ത്രം,ധനലബ്ധിക്ക് ലക്ഷ്മീ മന്ത്രം.ദുര്‍ഗാ എന്ന പദത്തിന്റെ അര്‍ഥം തന്നെ ദുഃഖം അകടുന്നവള്‍ എന്നാണ്. അത് കൊണ്ട് തന്നെ ദുര്‍ഗയെ ആശ്രയിക്കുന്ന വര്‍ക്ക് ദുഃഖം ഉണ്ടാകില്ല എന്നാണ് പറയുന്നത്.

kolloor Mookambika Temple

                                           വിജയ ദസമി ദിവസമാണ് വിദ്യാരംഭം കുറിക്കുക. കേരളത്തിലെ എല്ലാ ക്ഷേത്രങ്ങളിലും ( ഇപ്പോള്‍ ക്ഷേത്രമല്ലതിടത്തും) വിദ്യാരംഭം നടത്തുന്നുണ്ട് എങ്കിലും ,ഏറ്റവും അനുയോജ്യം നിത്യവും സരസ്വതീ ദേവിയെ ഉപാസിക്കുന്ന ക്ഷേത്രങ്ങളാണ്.ഈ ക്ഷേത്രങ്ങളില്‍ ദേവി സാന്നിദ്യം മറ്റു ക്ഷേത്രങ്ങളില്‍ ഉള്ളതിനേക്കാള്‍ കൂടുതലാണ് എന്ന് വിശ്വസിക്കുന്നു. അങ്ങനെയുള്ള മൂന്നു ക്ഷേത്രങ്ങളെ കേരളത്തില്‍ ഉള്ളത്രെ , പനച്ചിക്കാട് സരസ്വതീ ക്ഷേത്രം, വടക്കന്‍ പറവൂര്‍ ദക്ഷിണ മൂകാംബിക,നെടുമ്പാശ്ശേരി ആവണം കൊട് സരസ്വതീ ക്ഷേത്രം.എന്നാല്‍ കൊല്ലൂര്‍ മൂകാംബിക ക്ഷേത്രത്തില്‍ വിദ്യാരംഭത്തിനു വിജയടസമി വേണമെന്ന് നിര്‍ബന്ധമില്ല.

Panachikkad Saraswathi Temple

                              സന്ധ്യക്ക്‌ അഷ്ടമി വരുന്ന ദിവസമാണ് പൂജ വൈക്കേണ്ടത്. പൂജ അമ്പലത്തിലോ വീട്ടിലോ ആകാം. വീട്ടില്‍ ആണെങ്ങില്‍   സൌകര്യ പ്രദമായ ഒരു സ്ഥലം കണ്ടെത്തി വൃത്തിയാക്കി ചാണകവെള്ളം തളിച്ച് ശുദ്ധം ആക്കണം.പിന്നീട് പീടമോ പലകയോ വച്ച് അതില്‍ പട്ടു വിരിച്ചു സരസ്വതീ ദേവിയുടെ ചിത്രം വക്കണം.ഇതോടു ചേര്‍ത്ത് പട്ടു വിരിച്ചു പുസ്തകങ്ങള്‍ വയ്ക്കാന്‍ സ്ഥലം ഒരുക്കണം.സൗകര്യമനുസരിച്ച് 3 ,5 ,7 ,9 ,12 എന്ന രീതിയില്‍ നിലവിളക്ക് വച്ച് നെയ്യോ എണ്ണയോ ഒഴിച്ച് കത്തിക്കണം.ചന്ദനതിരിയും കത്തിച്ചു വയ്ക്കണം.പൂജാവിധികള്‍ അറിയാമെങ്ങില്‍ ൫ പത്മം തയ്യാറാക്കി ഇതില്‍ സരസ്വതി, ഗുരു,ഗണപതി, ദക്ഷിണാമൂര്‍ത്തി,വേദ വ്യാസന്‍ എന്നിവരെ പൂജിക്കണം.അറിയില്ലെങ്ങില്‍ ഇവരുടെ പ്രാര്‍ഥനകള്‍ ഗുരു,ഗണപതി,ദക്ഷിണാമൂര്‍ത്തി,വേദവ്യാസന്‍,സരസ്വതിദേവി എന്ന ക്രമത്തില്‍ ചൊല്ലണം.ഗ്രന്ഥങ്ങള്‍ ദേവിയെ എല്പ്പിക്കുന്നതായി സങ്ങല്‍പ്പിച്ചു പാട്ടില്‍ സമര്‍പ്പിക്കണം.പിന്നെ,

ഓം ഹ്രീം സരസ്വത്യെ നമ 

ഓം ഹ്രീം സക്തി രൂപിന്യേ നമ 

ഓം ഹ്രീം വസമാലിന്യെ നമ 

ഓം ഹ്രീം യോഗെസ്വര്യെ നമ

ഓം ഹ്രീം പ്രമോദായെ നമ

എന്ന മന്ത്രം 28 പ്രാവശ്യംജപിക്കണം.ഈ മന്ത്രം മഹാനവമി ദിവസം രാവിലെയും വൈകിട്ടും വിജയടസമി ദിവസം രാവിലെയും 28 തവണ ജപിക്കണം.വിദ്യാഗുണം,ബുദ്ധിസക്തി,ഓര്‍മസക്തി  എന്നിവ ഉണ്ടാകും.വിജയടസമി ദിവസം രാവിലെ പൂജകള്‍ക്കോ പ്രാര്‍ഥനകള്‍ക്കോ ശേഷം പുസ്തകം സ്വീകരിച് മണ്ണില്‍ അക്ഷരമാല എഴുതണം. ഇതിനു മോതിര വിരല്‍ കൊണ്ട് ആദ്യം ഹരിശ്രീ ഗണപതയേ നമ അവിഘ്നമസ്തു എന്നും പിന്നീടു 'അ' തുടങ്ങി 'ക്ഷ' വരെയുള്ള അക്ഷരമാലയും എഴുതണം.